+21 °С
Облачно
Новости
6 Февраля 2020, 13:30
Тарихи хәтерҙе мәңгеләштереү өсөн
Республикала Бөйөк Еңеүҙең 75 йыллығына арналған “Ғорурланабыҙ! Хәтерләйбеҙ! Хөрмәт итәбеҙ!” проекты старт алды.
БР Йәштәр сәйәсәте һәм спорт министрлығы ойошторған сараның маҡсаты – Бөйөк Ватан һуғышында ҡатнашыусылар һәм ундағы ваҡиғалар тураһындағы хәтерҙе мәңгеләштереү. Проект сиктәрендә бер-нисә патриотик сара ҡаралған. Республикалағы дан аллеялары, иҫтәлекле урындар, яугирҙар ерләнгән ҡәберлектәр төҙөкләндерелә, тематик автосәйәхәт, “Геройҙар диуары”республика акцияһы ойоштороласаҡ.
“Еңеүҙе яҡынайтҡан йөҙҙәр”тип аталған китап нәшер итеү ҙә күҙаллана.
Проектта ирекмәндәр ҙә әүҙем ҡатнаша. Улар мемориалдар, ҡәберлектәрҙе таҙартыу, кәртәләү, буяу эштәрен башҡарасаҡ.
Декабрҙә сараға йомғаҡ яһала.
