+21 °С
Болотло
Новости
5 Февраль 2020, 12:00
Хатта форумды үткәреүҙән ваз кисеп торҙоҡ
Барыһына ла “теге вирус” ғәйепле.12 – 14 февралдә Сочиҙа инвестиция форумы булырға тейеш ине. Был халыҡ-ара кимәлдәге сараға сит илдәрҙән дә бик күп кеше килә торғайны. Әле Ҡытайҙа коронавирус таралыу сәбәпле, йыйын булмай тора. РФ Хөкүмәте шундай ҡарар ҡабул иткән.Белеүегеҙсә, 1 февралдән Рәсәй менән КНР араһында авиабәйләнеш туҡтатылды. Алыҫ Көнсығышта сик ябылды. Үҙгәрештәр – хәүефһеҙлек өсөн.
Әйткәндәй
Ҡытайҙың Ухань ҡалаһында 10 көндә госпиталь төҙөп ултыртҡандар. Кәрәк булған һәм төҙөгәндәр ҙә. Яңы медицина учреждениеһы коронавирус йоҡтороусы сирлеләрҙе дауалауға тәғәйенләнгән. Бина 25 мең квадрат метр майҙанды биләй һәм мең пациентҡа иҫәпләнгән. Дауаханаға 1,4 мең хәрби табип эшкә йүнәлтелә. Икенсе дауахананы иртәгә әҙер була, тигәндәр. Уныһы 15 көн төҙөлә һәм беренсеһенән ҙурыраҡ, 1300 урынлыҡ.
Ике объект та 2003 йылда атипик пневманиянан дауалау өсөн Пекинда һалынған госпиталь моделе буйынса әҙерләнгән. Тиҙлек буйынса ҡытайҙарға етеүсе юҡ.
Фото: РИА-Новости.
Яңылыҡ авторы: Алһыу Ишемғолова
https://yeshlek.rbsmi.ru/articles/ya-yly-tar-ta-ma-y-netu/Hatta-forumdi-tk-re--n-vaz-kisep-tor-o-107779/
