+22 °С
Ямғыр
Новости
24 Ғинуар 2020, 09:17
Түҙгеһеҙ шарттарҙа...
Мәсетле районынан йәш егет республика башлығы сәхифәһенә эш таба алмауына зарланып яҙҙы: "Әсәйем мине яңғыҙы ғына тәрбиәләп үҫтерҙе, электрик һәм иретеп йәбештереүсе һөнәрен алып, армияла хеҙмәт итеп ҡайттым, ә мине эшкә алмайҙар. Бөтә ерҙә лә стаж һорайҙар. Элекке контора бинаһында әсәйем, кәләшем менән йәшәйбеҙ. 35 кв. м., бер ниндәй ҙә шарттар юҡ, газ да, һыу ҙа... Тиҙҙән балабыҙ тыуасаҡ, ә бүлмәләр һыуыҡ".
Мәсетле районы башлығы Әнис Әсәҙуллин уға райондың Мәшғүллек үҙәгенә мөрәжәғәт итергә кәңәш бирҙе: "Һеҙгә эш табырға, иҫәпкә тороп, эшһеҙлек буйынса пособиеға документтар тупларға ярҙам итәсәктәр. Контакттар: бүлек начальнигы: 2-03-27, инспекторҙар: 2-02-38, 2-03-27.
Торлаҡ буйынса: йорт төҙөү, һатып алыу программаларында ҡатнашыр өсөн торлаҡ шарттарын яҡшыртыуға мохтаждар исемлегенә инергә кәрәк, бының өсөн ауыл советы хакимиәтенә мөрәжәғәт итегеҙ".
Яңылыҡ авторы: Баныу Ҡаһарманова
https://yeshlek.rbsmi.ru/articles/ya-yly-tar-ta-ma-y-netu/T-ge-e-sharttar-a-90404/
