+22 °С
Ямғыр
Новости
22 Ғинуар 2020, 09:03
Балаһынан ҡотолоу өсөн... ҡорһағына сәнскән
Күптән түгел Өфө табибтарының ҡорһаҡ тәңгәле яраланған ауырлы ҡатынды ҡотҡарыуҙары тураһында яҙғайныҡ инде. Баҡтиһәң, был яраны... буласаҡ әсә үҙе яһаған булған икән! Ул үҙен һәм тыумаған балаһын үлтерергә теләгән.
Ҡот осҡос хәл ҡылһа ла, әсәгә ҡарата енәйәт эше ҡуҙғатылмаясаҡ.
“Ул тыуған сабыйҙы түгел, ә яралғыны үлтерергә ынтылған. Бындай хәлдәр, аборт өсөн бер кемде лә яуапҡа тарттырмайҙар”, тип аңлатма бирә хоҡуҡ һаҡлау хеҙмәткәрҙәре.
Ҡорһағында бысаҡ менән яһалған яра булған ҡатынды 3-сө бала табыу йорто табиптары ҡотҡарғайны. Ҡайһы бер сығанаҡтарҙан мәғлүм булыуынса, ҡатын депрессиянан яфа сигә. Әгәр был диагноз раҫланһа, уға табиптарҙың һәм психологтарҙың ярҙамы кәрәк буласаҡ.
Үкенескә ҡаршы, беҙҙең ығы-зығылы заманда депрессия кеүек сирҙәр киңерәк тарала бара. Яҡындарыбыҙға иғтибарлыраҡ булайыҡ!
Фото: Уфа1.ру
Автор: Римма Султанова.https://bash.rbsmi.ru/articles/y-m-i-t/Bala-inan-otolou-s-n---or-a-ina-s-nsk-n-86881/
