+22 °С
Ямғыр
Новости
22 Ғинуар 2020, 13:32
Айыуҙар уяна башлағанмы?
Иглин районының Еләкле (Ягодная) ауылы янында 20 ғинуарҙа айыу күргәндәр.
Социаль селтәрҙәрҙә кешеләрҙе киҫәтеп, ҡоторған айыу йөрөүе тураһында борсолоулы хәбәрҙәр баҫылған.
Шаһиттар әйтеүенсә, тайыш табан Озерный һәм Некрасов урамдарында йөрөгән. Ысынлап та, айыу ауыл эргәһенә килгән, ә бына уның ҡоторған булыу булмауы тураһында һығымта яһарға иртәрәк. Әле белгестәр бының буйынса тикшереү алып бара.
Айыуҙың шулай иртә уяныуы, ҡыштың үтә йылы булыуына бәйле генә булыуы мөмкин.
Фото: В контакте
