+21 °С
Болотло
Новости
18 Ғинуар 2020, 12:13
Тормоштан йәм табып
Йөрәк-ҡан тамырҙары сирҙәре – күпселек дәүләттәрҙә киң таралған үлем сәбәптәренең береһе. Ғалимдар фекеренсә, ошо ауырыуҙарҙың барлыҡҡа килеүенә йоғонто яһаған психологик факторҙарҙы өйрәнеү һәм контролләү кешеләрҙең әүҙем йәшәү осоронда үлем кимәлен кәметер ине.
Белгестәр сирҙәрҙең барлыҡҡа килеүенә тәьҫир иткән һөнәргә бәйле шәхси-шәхес сәбәптәренә ҙур иғтибар бирә. Ғалимдар тормош юлын, һөнәр, карьера ҡаҙаныштарын, мәнфәғәттәрен һәм шөғөлдәрен эсенә алған комплекслы методиканы файҙаланған, медицина карталарын өйрәнгән.
Тикшеренеүҙә 55 йәштән өлкән 495 кеше ҡатнашҡан, уларҙың барыһы ла йөрәк-ҡан тамырҙары сирҙәре буйынса иҫәптә торған. Һөҙөмтә шуны күрһәткән: эшсе һәм техник белгеслек буйынса эшләгән пенсионерҙарҙа йөрәк-ҡан тамырҙары сире хәүефен әүҙемлектең бөтә төрҙәре лә тиерлек арттырыуы асыҡланған (аралашыу, маҡсатҡа ынтылыш, карьера), ә ҡыҙыҡһыныуҙарын бары ҡул эштәре, техника менән мауығыу, баҡсала ҡаҙыныу, ремонт эштәре генә көсәйтә, мауыҡтыра алған.
Хеҙмәткәрҙәр төркөмөндәге пенсионерҙарға спорт менән шөғөлләнеү, физик әүҙемлек, аралашыу ыңғай тәьҫир иткән. Ә ҡул эштәренән бер ниндәй ҡәнәғәтлек тойғоһо кисермәгәндәр.
Документтар менән эшләгән офис хеҙмәткәрҙәрен хобби һис ылыҡтырмаған да, дәртләндермәгән дә, бары һөнәри эшмәкәрлек, карьера үҫеше, дуҫ, татыу ғаилә мөхите ҡәнәғәтлек тыуҙырған.
Ғалимдарҙың фекеренсә, пенсия йәшендә был сирҙәрҙең ҡатмарлашыуына, насар ғәҙәттәрҙән тыш, агрессивлыҡ йоғонто яһай, ә тормошто яратыу, оптимизм һәм хобби сиргә юлығыу хәүефен кәметә.
Фото: vedom.ru
Тикшеренеүҙә 55 йәштән өлкән 495 кеше ҡатнашҡан, уларҙың барыһы ла йөрәк-ҡан тамырҙары сирҙәре буйынса иҫәптә торған. Һөҙөмтә шуны күрһәткән: эшсе һәм техник белгеслек буйынса эшләгән пенсионерҙарҙа йөрәк-ҡан тамырҙары сире хәүефен әүҙемлектең бөтә төрҙәре лә тиерлек арттырыуы асыҡланған (аралашыу, маҡсатҡа ынтылыш, карьера), ә ҡыҙыҡһыныуҙарын бары ҡул эштәре, техника менән мауығыу, баҡсала ҡаҙыныу, ремонт эштәре генә көсәйтә, мауыҡтыра алған.
Хеҙмәткәрҙәр төркөмөндәге пенсионерҙарға спорт менән шөғөлләнеү, физик әүҙемлек, аралашыу ыңғай тәьҫир иткән. Ә ҡул эштәренән бер ниндәй ҡәнәғәтлек тойғоһо кисермәгәндәр.
Документтар менән эшләгән офис хеҙмәткәрҙәрен хобби һис ылыҡтырмаған да, дәртләндермәгән дә, бары һөнәри эшмәкәрлек, карьера үҫеше, дуҫ, татыу ғаилә мөхите ҡәнәғәтлек тыуҙырған.
Ғалимдарҙың фекеренсә, пенсия йәшендә был сирҙәрҙең ҡатмарлашыуына, насар ғәҙәттәрҙән тыш, агрессивлыҡ йоғонто яһай, ә тормошто яратыу, оптимизм һәм хобби сиргә юлығыу хәүефен кәметә.
Фото: vedom.ru
Автор: Динә АРЫҪЛАНОВА әҙерләнеhttps://bash.rbsmi.ru/articles/s-l-m-t-bulayy/tormoshtan-y-m-tabyp/
