+22 °С
Ямғыр
Новости
17 Ғинуар 2020, 09:03
Урмандарыбыҙҙы йыһандан күҙәтәләр
Былтыр Әүжән, Асҡын, Баймаҡ, Белорет, Йылайыр һәм Тирлән урмансылыҡтары биләмәләрендә - йәмғеһе 1,5 млн гектар майҙанда урмандарҙы ҡулланыу буйынса йыһан дистанция мониторингы үткәрелде. Һөҙөмтәлә 98 биләмәлә закон боҙоу билдәләре асыҡланған. Аҙаҡтан тикшереүҙән һуң 60 осраҡ рәсмиләштерелгән. Алты вазифалы кеше дисциплинар яуаплылыҡҡа тарттырылған. 12 осраҡ буйынса 326 мең һумлыҡ административ штрафтар һалынған. 13 законһыҙ урман ҡырҡыу осрағына енәйәт эштәре асылған.
Йыһан күҙәтеүенең һөҙөмтәле булыуын иҫәпкә алып, БР Урман хужалығы министрлығы Урман хужалығының федераль агентлығына быйыл да ғариза бирҙе. Дөйөм алғанда 2,1 млн га майҙанда - уға Әбйәлил, Асҡын, Белорет, Бөрйән, Дыуан, Йылайыр, Кананикольск, Ҡариҙел, Нуриман, Тирлән урмансылыҡтары ингән 2,1 млн га майҙан тикшереләсәк. Белорет һәм Бөрйәндә иһә өҙлөкһөҙ дистанциялы мониторинг үткәреләсәк.
Фото: "Бәйләнештә" селтәренән
