Федоровканан мәктәп, балалар баҡсаһы кәрәк, тип яҙалар республика башлығына

Федоровка ауылында бер бәләкәй генә гимназия һәм ул тулған, сөнки унда биш ауылдан балалар уҡый (Федоровка, Карпово, Самохваловка, Йылҡыбай ауылдарынан һәм яҡындағы баҡсаларҙан - унда йәш ғаиләләр күп йәшәй), тип яҙалар башлыҡтың сәхифәһенә: "Йылдан-йыл уҡыусылар һаны арта ғына бара! Федоровкала шулай уҡ балалар баҡсаһы ла юҡ. Йәғни, ул бар, әммә ябылған (бинаны ҡуртымға бирәләр). Беҙгә иң яҡын балалар баҡсаһы 20 саҡрым алыҫлыҡтағы Шакша ҡасабаһында, әммә барыһы ла унда балаларын йөрөтә алмай бит, автобустар ҙа һирәк йөрөй. Шул сәбәпле, бала ҡарап, ҡатындарҙың күбеһе өйҙә ултырырға мәжбүр. Ошо оло проблеманы хәл итергә ярҙам итегеҙсе! Беҙгә мәктәп һәм балалар баҡсаһы кәрәк!"