+24 °С
Ямғыр
Новости
13 Ғинуар 2020, 06:15
“Өфө” табиптары самолетта булмаһа...
Кисә “Өфө” командаһы футболсылары Кипрға быйыл беренсе тапҡыр күнекмәләр үткәрергә юлланғайны.
Мәскәү – Ларнака маршруты буйынса самолетта осҡанда пассажирҙарҙың берәүһенең хәле бөтә. Табиптар Илшат Жданов менән Александр Самородов тиҙ генә уға ярҙам итә. Шулай итеп, самолетҡа ергә төшөргә тура килмәй. Был хәлгә, әлбиттә, “Өфө” футбол клубы медицина белгестәренең һәм борттағы хеҙмәткәрҙәрҙең килешеп эшләүе булышлыҡ итә.
“Өфө” футбол клубы матбуғат хеҙмәте хәбәр итеүенсә, уларҙың медицина белгестәре кеше ғүмерен беренсе тапҡыр ғына һаҡлап ҡалмаған икән.
Фото: “Өфө” футбол клубы матбуғат хеҙмәте видеоһынан скриншот.
Автор: Айһылыу Низамова
