+22 °С
Ямғыр
Новости
12 Ғинуар 2020, 10:04
Кешенеке йәл түгел
Сибайҙа йәшәгән 22 йәшлек граждандан ҡаланың дежур бүлегенә йортонан ҡиммәтле әйберҙәр юғалғаны хаҡында ялыу килә. Ике телевизор, бысҡы, резина кәмә һәм башҡалар юҡҡа сыға.
Хоҡуҡ һайлау хеҙмәткәрҙәре шунда уҡ бурҙың эҙенә төшә: ул ҡалала йәшәгән 34 йәшлек ир булып сыға, алдан хөкөм ителгәнлеге лә асыҡлана. Бур сөй һурғыс менән сит йорттоң ишеген боҙоп инә һәм күҙенә салынған әйберҙәрҙе ҡулына эләктерә.
Полиция хеҙмәткәрҙәренә урланған мөлкәтте тулыһынса табыу мөмкинлеге булмай, сөнки ҡайһылары һатылып та өлгөргән. Ир үҙенең ғәйебен таный. Уны йәнә төрмә көтә. Атай малы йәл түгел тигәндәй, бурға кешенең әйбере бер ни тормайҙыр, күрәһең.
Фото: zen.yandex.ru
Автор: Карима Усманова.https://bash.rbsmi.ru/articles/kh-ef-e-lek/Kesheneke-y-l-t-gel-71135/
