Ришат Төхвәтуллин өйләнгән, тиҙәр...

Ну, был артистарҙы! Берәүҙәре бәҙрәфкә инеп сыҡҡанында ла көҙгө янында фотоға төшөп, интернетҡа һала, ә бәғзеләре шәхси тормошо хаҡында ләм-мим. Һуңғыларының йәшәйеше хаҡында ултыр инде тегенеһен-быныһын фаразлап!

Бигерәк тә оҙаҡ кәләш алмай йөрөгәндәрҙең яҙмышы ҡыҙыҡһындыра. Шундайҙарҙың береһе - Башҡортостандың һәм Татарстандың атҡаҙанған артисы Ришат Төхвәтуллиндың өйләнеүен көтә-көтә көтөк булдыҡ.

Оҙайлы ҡышҡы ялдан һуң, егет тәүге эш көнөндә “Инстаграм”да тура эфир ойошторған. Унда йырсының бер танышы, никах нисек үтте, тип һораған. Ә Ришат: “Һәйбәт кенә үтте, барыһы ла яҡшы”, - тип яуаплаған. Был яуап бер кемгә лә тынғылыҡ бирмәй хәҙер. Кемдең никахы тураһында һүҙ барыуы билгеһеҙ. Артабан "Кем өйләнде?", "Кәләшең кем?" һ.б. һорауҙар менән мөрәжәғәт итеүселәрҙең иҫәпһеҙ-һанһыҙ булыуына ҡарамаҫтан, йырсы был хаҡта бер ни ҙә өндәшмәй. Сөнки Ришат партизандың да партизаны, шәхси тормошон бер ҡасан да асып һалмай.

Фото: социаль селтәрҙәр.

Яңылыҡ авторы: Лилиә Хәлилов.

Йәшлек гәзите.