“Көҙгөгә ҡарағым да килмәй”

Быларҙың барыһы ла нервы көсөргәнешлеген арттыра. Әгәр ҙә унан ҡотол­ма­һа­ғыҙ, бер аҙҙан йөҙ-ҡиәфәте­геҙҙә генә түгел, сәләмәтлек торошонда ла үҙгәрештәр башланыуы ихтимал.

Нервы көсөргәнешлеге тыуғанда, эшкә һәләт кәмей, йоҡо насарлана, ҡыҙыҡһы­ныусанлыҡ юғала, бер кем дә, бер нимә лә иғтибарҙы үҙенә тартмай, был хәлдән сығыу юлы юҡ кеүек. Бер аҙҙан бындай хәл-тороштоң хроник формаға күсеүе ихтимал. Ул саҡта гормондар фоны, иммун системаһы зарарлана, тимәк, организм төрлө вируслы сир-сорға ишек аса тигән һүҙ.

Һалҡын тейҙереү, йөрәк-ҡан тамырҙары сирҙәре йыш маҙаға тейә башлай, сәс ҡо­йола, тән тиреһе төҫһөҙләнә.

Нервы көсөргә­нешлеге­нең тәүге билдәләрен ҡарайыҡ:
* әүҙемлекте һәм көс-дәртте юғалтыу;
* даими уңайһыҙлыҡ тойоу;
* йоҡлай алмау;
* сәбәпһеҙ ҡыҙып барыу;
* ситләшкәнлек.

Үҙегеҙҙә нервы көсөр­гәнешлеген тойһағыҙ, уға ҡаршы көрәште башлағыҙ. Иң ябай һәм тәьҫирле ысул – спорт менән шөғөлләнеү йә­ иһә бейеү түңәрәгенә йөрөү, һәр ваҡыт хәрәкәттә булыу. Физик әүҙемлек кенә организмда эндорфиндар – шатлыҡ гормондары кимә­лен күтәрә. Спорт менән шө­ғөлләнә башлау менән баш­та­ғы насар уйҙар ҙа осоп сығып бөтә, кәйеф күтәрелә. Бер эште икен­сеһенә еңел генә алмаш­тырығыҙ, ял итергә өйрәнегеҙ.

Өйөгөҙгә ҡайтып, кейем­дәрегеҙҙе һалыу менән эш ту­раһында онотоғоҙ, бары үҙегеҙ өсөн уңайлыҡтар булдырыу тураһында уй­лағыҙ. Ҡыҙыҡлы әңгә­мәселәр ме­нән аралашыу, мәҙәни сара­ларға барыу, дөрөҫ туҡла­ныу, витаминдар ҡабул итеү нервы көсөргәнешлеген йом­шартырға ярҙам итер. Һәр хәл­дә сирҙе үҙ ағышына ҡуй­маҫҡа, сәләмәтлегеңде көй­ләргә, хәстәрләргә өйрә­нергә кәрәк.