Яңы йылда байрам табынында мәйет "ултырған"...

Витебск өлкәһендә булған хәл. Кисә бер ҡатын милицияға шылтыратып, иренең әллә нисә көн инде өйгә ҡайтмауына зарланған. Баҡһаң, ирекәй Рәсәйҙән аҡса эшләп ҡайтҡан ауылдашына 30 декабрҙә үк ҡунаҡҡа киткән булған.

Хоҡуҡ һаҡлаусылар шундуҡ теге өйгә юлланған һәм... креслола үлеп ултырған кешене тапҡан. Хужа иһә ҡунағының үлгәнен дә белмәгән, имеш.

Ғибрәт! Шул тиклем ныҡ эскәндәр инде...

Ирҙең үлем сәбәбе былайыраҡ булған: өйҙә байрам Яңы йыл кигәс тә оҙаҡ дауам иткән. 6 ғинуарға тиклем хатта. Шул көндө хужа менән ҡунаҡ араһында ғауға ҡупҡан да, хужа ир утын алып, ҡунағының башына һуҡҡан. Тегеһе иһә капюшонда булған, шуға ла, йәнәһе, хужа уның башындағы яраһын да күрмәгән. Бер нисә көн үткәс кенә, уның менән нимәлер булыуын аңлаған, тик барыбер ни табиптарға, ни милицияға хәбәр итмәгән.

Экспертиза күрһәтеүенсә, ирҙең ғүмере башындағы үлемесле яранан өҙөлгән. Хәҙер үлтереүсегә 15 йыл төрмә янай.

Аллам һаҡлаһын! Бына һиңә яңы йыл...