+21 °С
Болотло
Новости
10 Ғинуар 2020, 08:49
2020 йыл ялдарға мул йыл!
Рәсәй хеҙмәт министры урынбаҫары Иван Шкловец быйыл 8 ҡыҫҡа эш аҙнаһы булыуы тураһында хәбәр иткән.
Бигерәк тә ялдарға быйылғы яҙ бик бай буласаҡ. Был байрамдарҙың ял көндәренә тура килеү сәбәпле, ялдар күсерелгәнлектән шулай.
Февралдең һуңғы эш аҙнаһы дүрт кенә көндән торасаҡ. Марттың икенсе аҙнаһында ла эш көнө дүртәү генә буласаҡ. Апрелдең 27-һенән 30-сы апрелгә тиклем булған аҙнаһында шулай уҡ дүрт кенә эш көнө көтөлә.
4 һәм 5-се ғинуарҙағы ялдар май айына күсерелгәнлектән майҙың беренсе эш аҙнаһы өс кенә көнлө була – 6-һынан 8-нә тиклем эшләйбеҙ.
Йәйҙең ҡыҫҡартылған эш аҙнаһы июндә Рәсәй көнө һәм Башҡортостанда – 31 июлдә Ҡорбан байрамы көтөлә.
Көҙөн – 11 октябрь Башҡортостан республикаһы көнө ялға тура килеү сәбәпле 12-се октябргә күсерелә. Халыҡтар берҙәмлеге көнө эш аҙнаһын икегә бүләсәк: 2-3-сө һәм 5-6-сы ноябрь эш көндәре.
Фото: интернет
