+22 °С
Ямғыр
Новости
26 Декабрь 2019, 14:20
Табиптың үҙенә ҡул һалыуында кем ғәйепле?
Әбйәлил районының Асҡар ауылындағы үҙәк дауахананың баш табип урынбаҫары Артур Ғарраповтың үҙенә ҡул һалыуы тураһында хәбәр иткәйнек. Бөтә яҡлап та ыңғай ҡылыҡһырланған йәш табипҡа нимә булған? Ни эшләп ғаиләһендә яратҡан атай һәм ир, эшендә хөрмәт һәм ихтирам ҡаҙанған белгес үҙенә ҡул һалған? Һорауҙар күп.
Уның хеҙмәттәштәре ҡатынын ғәйепләй. “Ул һәр ваҡыт "өйгә ҡайтҡым килмәй" тип әйтә торғайны. Йыш ҡына кәйефһеҙ йөрөнө. "Өйҙә ҡатыным “игәй” ти ине”, – ти уның элекке хеҙмәттәше.
Шул уҡ ваҡытта “Бәйләнештә” социаль селтәрендә ир менән ҡатындың бер-береһенә яҙған хаттары йылылығы менән хайран ҡалдыра. “Фәрештәм минең, яратҡан ҡатыным, һин - минең өсөн планеталағы иң яҡшы ҡатын-ҡыҙ. Мин һине ныҡ яратам, һәр бер ҡылыҡ-хәрәкәтеңә һоҡланам. Бел, мин һәр ваҡыт яныңда – һинең таянысың, һаҡлаусың һәм мөхәббәтең”, тип яҙған Артур. Һәм ошоноң ише яҙмалары бик күп. Ҡатыны ла уға һәр ваҡыт ихлас яуап биргән, мөхәббәтен белдергән.
“Про Уфу” баҫмаһы хәбәрсеһенә Артурҙың ҡатыны талашмауҙары һәм уның тарафынан суицидҡа еткереү булмаған тигән. “Ул эштә саҡта эсте. Һәм мин шуны беләм: бер көн алда баш табип уны ныҡ итеп әрләгән. Сәбәбен белмәйем”, – тигән ул.
Тәфтиш комитеты әлегә был турала комментарий бирмәй, тикшереү эше дауам итә.
Фото: “Бәйләнештә” социаль селтәренән.https://bash.rbsmi.ru/articles/y-m-i-t/Tabipti--en--ul-aliuinda-kem--yeple-54408/
