Өйрәнәйек әле йыр

ПАР ҠАНАТТАР

Сөләймән Муллабаев һүҙҙәре,

Рәмил Мәүлитов көйө.

Зилә Лира репертуарынан

1. Пар ҡанаттар ҡағыналар

Даръяһында тормоштоң.

Белмәй улар, аңлай алмай,

Яңғыҙлыҡтың һағышын, һағышын...

Ҡушымта:

Пар ҡанаттар, пар ҡанаттар,

Һынмағыҙ, бөгөлмәгеҙ!

Үҙәк өҙгөс көҙгө елдә

Һыңарлап өҙөлмәгеҙ

2. Пар ҡанаттың ҡәҙерен белеп,

Талпынығыҙ күктәрҙә.

Бергә саҡта тормош йәмле,

Яңғыҙ ҡалғас, нишләргә, нишләргә?

Ҡушымта:

Пар ҡанаттар, пар ҡанаттар,

Һынмағыҙ, бөгөлмәгеҙ!

Үҙәк өҙгөс көҙгө елдә

Һыңарлап өҙөлмәгеҙ

3. Яңғыҙлыҡтың хәле ауыр,

Парһыҙ ҡанат ҡағынһаң.

Йырлап күңел астыраһың,

Янһа йөрәк һағыштан, һағыштан...

Ҡушымта: шул уҡ