+22 °С
Ямғыр
Новости
23 Декабрь 2019, 09:20
Сим-карталарҙы берҙәм базаға индереү кәрәк
Күргәнегеҙ барҙыр, телефонға сим-картаны осһоҙ хаҡҡа ғына урам буйында ла һатып тороусылар бар. Хатта паспорт та кәрәкмәй. Ә салондарҙа был эш етди ҡуйылған: базаға шәхеснамәңдең мәғлүмәттәре индерелә , оператор менән килешеү төҙөлә.
РФ Дәүләт Думаһы депутаты Борис Чернышев Роскомнадзорға кеҫә телефоны абоненттары сим-карталарының иҫәбен алырға һәм берҙәм базаһын булдырырға ҡушҡан. Сөнки криминал мөхиттә һинең шәхси мәғлүмәттәреңде файҙаланып, енәйәт эшләһәләр, бер ғәйепһеҙгә ғәйепле булып ҡуйыуың да ихтимал.
«Йәшертен һатылған сим-карталар әйләнешенә сик ҡуйырға, уларҙың әйләнешенә ҡаршы көрәште көсәйтергә кәрәк», – тип белдергән ул.
