+22 °С
Ямғыр
Новости
22 Декабрь 2019, 07:00
Ниһайәт! Өфөлә шорт-трек үҙәге асылды
Бөгөн Өфөлә “Төҙөүсе” стадионы артында шорт-трек үҙәге асылды. Был спорт объекты республиканың 100 йыллыҡ юбилейы айҡанлы федераль һәм республика бюджеттары иҫәбенә төҙөлдө. Унда 60-ҡа 30 метрлыҡ ябыҡ каток, хореография залы, тренажер залы, массаж кабинеты һәм башҡа бүлмәләр бар.
Билдәләнеүенсә, киләсәктә был үҙәк бөтә Рәсәй һәм халыҡ-ара ярыштарҙы ҡабул итә аласаҡ.
– Башҡортостан Башлығы Радий Хәбиров халыҡты физик культура һәм спорт менән шөғөлләнеүгә йәлеп итеү бурысы ҡуйҙы, – тине республика Хөкүмәте Премьер-министрының беренсе урынбаҫары Андрей Назаров. – Һәм бөгөн был үҙәкте асып, беҙ үҙебеҙҙә етди ярыштар үткәреүгә дәғүә итә алабыҙ. Был спортты популярлаштырыу йәһәтенн бик мөһим эш.
Шорт-трек үҙәге төҙөлөшө 2012 йылда башланғайны. Тик төрлө сәбәптәр буйынса ул бер нисә тапҡыр туҡтатылды. Эштәр бер йыл элек йәнә яңыртылды һәм бөгөн бина, ниһайәт, сафҡа инде.
Фото: БР Йәштәр сәйәсәте һәм спорт министрлығы.
Автор: Альфия Мингалиева.https://bash.rbsmi.ru/articles/sport-m-turizm/Ni-ay-t--f-l-short-trek--ge-asildi-46665/
