+22 °С
Ямғыр
Новости
22 Декабрь 2019, 15:10
Бәхил бул, Мәүзир ағай1
Билдәле йәмәғәт эшмәкәре, Яр Саллы ҡалаһының “Ағиҙел” татар-башҡорт дуҫлығы йәмғиәте рәйесе, Башҡортостан менән тығыҙ бәйләнештә йәшәгән Мәүзир Ғиниәтуллин вафат...
Был ауыр юғалтыу хаҡында улы, музыкант Артур Ғиниәтуллин хәбәр итә. Уның әйтеүенсә, атаһының һаулығы менән проблемаһы булмай. “Театрҙа саҡта ҡапыл йөрәге тотоп, әсәйемдең ҡулында йән биргән...” – тип яҙа улы. Ул Дубайҙан Яр Саллыға ҡайтырға сыҡҡаны тураһында хәбәр итә.
Мәүзир Ғиниәтуллин башҡорт менән татар халҡы араһында дуҫлыҡ-татыулыҡты нығытыуға бөтөн күңелен, көсөн һала торғайны, һәр сарала ихлас ҡатнашты. Ҡәрҙәшебеҙ тыуған ерендә – Аҙнаҡай районының Һарлы ауылында ерләнәсәк. Йәнегеҙ йәннәттә булһын, Мәүзир Мирхәт улы...
Автор: Дилбәр Ишморатова.
"Башҡортостан" гәзитенән.
