+22 °С
Ямғыр
Новости
21 Декабрь 2019, 06:05
Бала табыу йортонда уҡ биреләсәк
Башҡортостандың Ғәҙәттән тыш хәлдәр буйынса дәүләт комитетынан хәбәр итеүҙәренсә, 2020 йылдың 1 мартынан республикала янғынды иҫкәртеүсе ҡоролма бала табыу йортонда яңы тыуған сабыйға бирелә торған бүләк менән ҡуша тапшырыласаҡ.
Быға тиклем улар аҙ тәьмин ителгән ишле һәм социаль хәүеф төркөмөндә иҫәптә торған балалы ғаиләләргә генә бирелә ине. Ошо категорияға ҡараған ғаиләләргә 11 мең ҡоролма тапшырылған.
Дөйөм алғанда, бөгөнгә республика бюджеты иҫәбенә 120 мең янғынды иҫкәртеүсе ҡоролма урынлаштырылған. Ошо арҡала уттан 336 кешенең, шул иҫәптән 131 баланың ғүмере һаҡлап ҡалынған.
Фото Рәсәй Ғәҙәттән тыш хәлдәр министрлығы сайтынан.
Автор: Римма Султанова.https://bash.rbsmi.ru/articles/kh-ef-e-lek/Bala-tabiu-yortonda-u-birel-s-k-47697/
