+22 °С
Ямғыр
Новости
18 Декабрь 2019, 07:25
Рәмил Шәмсетдинов – зыян күреүсе?
Байкал аръяғы крайындағы Рәмил Шәмсетдинов хеҙмәт иткән хәрби часта "бабайлыҡ" буйынса енәйәт эше ҡуҙғатылған, тип хәбәр итә “Ведомости”, адвокат Руслан Нагиевтың һүҙҙәренә таянып.
Адвокаттың һүҙҙәренсә, “Был эш буйынса Рәмил Шәмсетдинов һәм тағы бер нисә һалдат зыян күреүсе тип танылған”. Енәйәт эше Рәсәй Енәйәт кодексының “хәрбиҙәрҙең үҙ-ара мөнәсәбәттә устав ҡағиҙәһен боҙоу” тип аталған 335-се статьяһына ярашлы асылған.
Иҫегеҙгә төшөрәбеҙ: Байкал аръяғы крайындағы фажиғә 25 октябрҙә була. Горное ауылындағы хәрби часта Рәмил Шәмсетдинов хеҙмәттәштәренә ата: һигеҙе үлә, икеһе яраланып госпиталгә эләгә. Рәмил Шәмсетдинов үлтереүҙә ғәйепләнә. Ә Оборона министрлығы һалдаттың нервы көсөргәнешлеге булған тигән фекер белдергәйне.
Фото: iz.ru
Автор: Аклима Гизатуллина. https://bash.rbsmi.ru/articles/y-m-i-t/R-mil-Sh-msetdinov--ziyan-k-re-se-43464/
