+21 °С
Болотло
Новости
16 Декабрь 2019, 19:00
Бензин һәм газ шартлап, хужаның башына етә
Белорет ҡалаһының Морат биҫтәһендә ҡот осҡос янғын теркәлгән.
Гаражда бензин тултырылған һауыт тоҡанып, ут тиҙ генә йортҡа күсә. Етмәһә, газ баллоны шартлай. Йорт хужаһы һәләк була.
Янғынды Белорет эске эштәр бүлегенең патруль-пост хеҙмәткәрҙәре күреп ҡалып, янғын һүндереүселәрҙе саҡыра, шулай уҡ йорттағыларҙы сығарыуҙа ярҙамлаша. Тик бер-бер артлы булған шартлауҙар уттың йәшен тиҙлегендә таралыуына булышлыҡ итә, һөҙөмтәлә мөлкәтте ҡотҡара алмайҙар.
Белореттар урамда тороп ҡалған ғаиләгә ярҙам итергә саҡыра.
Фото: "Бәйләнештә" социаль селтәренән.
Автор: Рәмилә Мусина
