+21 °С
Болотло
Новости
17 Декабрь 2019, 06:05
17 йәшлек ҡыҙҙы эҙләйҙәр
Республиканың Краснокама районындағы Николо-Березовка ауылынан 12 декабрҙә сығып киткән 17 йәшлек Диана Хужинаны эҙләйҙәр. "Башинформ" агентлығы хәбәр итеүенсә, ҡыҙ Нефтекамала педагогия колледжында уҡыған, әле сәләмәтлеге насар булыуы сәбәпле, академик ялда булған.
Диананың атаһы һөйләүенсә, юғалыр көндө ул алты йәшлек ҡустыһы менән өйҙә ултырған. Төштән һуң әсәләре үҙ эше менән киткән, ҡыҙыҡай уны көтөп, бергә магазинға сығырға һөйләшкәндәр.
Әсә кеше киске алты тирәһендә ҡайтһа, өйҙә малай яңғыҙы ғына ҡалған. Бала: "Диана мине үпте лә, хуш, минең аҡыллым, тип сығып китте", - тигән.
Йәш ҡыҙҙың ата-әсәһе полицияға ғариза яҙған. Әле уны эҙләү бара. Диана буйға 170 см, ябыҡ. Алһыу куртка кейгән, ҡара снудта булған.
Фото: vk.com
https://yeshlek.rbsmi.ru/articles/ya-yly-tar-ta-ma-y-netu/17-y-shlek-i-i-e-l-y-r-41591/
