+21 °С
Болотло
Новости
16 Декабрь 2019, 06:10
Юл фажиғәләре - 14 декабрь
14 декабрҙә республика юлдарында 14 автомобиль аварияһы теркәлгән, ике кешенең ғүмере өҙөлгән, 22 кеше төрлө йәрәхәттәр алып, дауаханаларға эләккән.
Иртән Бәләбәй районында, Бәләбәй-Приютово автоюлының 21-се саҡрымында, ҡара-ҡаршы килгән ВАЗ-2112 менән "Ravon Nexia" бәрелешкән.
Аварияла ВАЗ-дың 38 йәшлек водителе шунда уҡ йән биргән.
"Ravon"дың водителе ауыр хәлдә дауаханала.
Был аварияла шулай уҡ ВАЗ-дың бер пассажиры, "Nexia"ның дүрт пассажиры төрлө йәрәхәттәр алған.
Кискә ҡарай Саҡмағош районының Иҫке Боҫҡаҡ ауылында 36 йәшлек ир "Лада Гранта" машинаһында Ҡашҡар-Йомаш юлы яғына табан китеп барышлай юлдан осоп түңкәрелгән.
"Тиҙ ярҙам" килгәнгә тиклем водитель вафат булған.
Тәүлек эсендә генә 56 иҫерек водитель тотолған.
