+22 °С
Ямғыр
Новости
16 Декабрь 2019, 09:35
Пенсия фондын алыштырып булмай
«Пенсияның тупланма өлөшө дәүләттеке булмаған пенсия фондында һаҡлана. Алыштырырға тип күп функциялы үҙәккә ғариза бирергә барғайным, ҡабул итмәнеләр. Дәүләттеке булмаған пенсия фондында ла ғариза баш тарттылар. Хәҙер пенсияның тупланма өлөшөн башҡа фондҡа алмаштыра алмайыммы ни?»
Һуңғы осорҙа ошондай һорау менән мөрәжәғәт итеүселәр йышайҙы. Белгестәр әйтеүенсә, тупланма өлөш һаҡлана торған пенсия фондын биш йылдан да йышыраҡ алыштырырға кәңәш ителмәй. Был осраҡта инвестиция керемен юғалтыу ихтималлығы ҙур. Икенсенән, фондты алыштырыусылар бары 1 декабргә тиклем генә ғариза тапшыра алды. Йәнә дәүләттеке булмаған пенсия фондында, күп функциялы үҙәктәрҙә лә бындай ғаризалар, ысынлап та, хәҙер ҡабул ителмәй.
Фото: ptzgovorit.ru Автор: Венер Исхаҡов. https://bash.rbsmi.ru/articles/veteran/Pensiya-fondin-alishtirip-bulmay-39999/
