+22 °С
Ямғыр
Новости
15 Декабрь 2019, 06:50
Сиркәүҙе талағанда иҫерек була...
Иҫереккә диңгеҙ тубыҡтан, тигәндәй, шайтан һыуына алданып, ниндәй генә "батырлыҡ" ҡылмай беҙҙең ҡайһы бер ир-ат. Көҙ көнө Ҡырмыҫҡалы районында бер көслө зат ауыл мәсетен талаһа, әле килеп сиркәүҙе таҙартып сыҡҡандар.
10 декабрҙә «Белорет» тимер юл станцияһында полиция хеҙмәткәрҙәре бер иҫерек ирҙе туҡтата. Хоҡуҡ һаҡлау органдары хеҙмәткәрҙәре унда күп һанлы сиркәү ҡомартҡылары таба. Ир уларҙы сиркәүҙән урлауын хәбәр итә.
Уғрыла һирәк осрай торған ете икона һәм бер нисә дини китап табыла. Аҙаҡ асыҡланыуынса, ул был әйберҙәрҙе Инйәр ауылындағы сиркәүҙән урлай.
Шуныһы ҡыҙыҡ: ҡараҡтың быға тиклем дә ошондай уҡ енәйәт яуаплылығына тарттырылған булыуы асыҡланған.
Аңламаған кеше мәңге аңламаҫ ул, моғайын. Әле был хәл буйынса тикшереү башланған.
Автор: Самат Ғәлин
