+22 °С
Ямғыр
Новости
10 Декабрь 2019, 07:55
31 декабрҙә ял итеү тураһында...
Башҡортостан Республикаһы Дәүләт Йыйылышы – Ҡоролтай Рәйесе Константин Толкачев Рәсәйҙең ҡайһы бер төбәктәрендә 31 декабрҙе ял көнө итеү башланғысын хупламаны.
– Был сара маҡсатҡа ярашлы түгел, – тигән фекерҙә Константин Борисович. – Башҡортостанда федераль кимәлдә нығытылғандарҙан тыш, өҫтәмә өс ял көнө билдәләнә: Республика көнө, Ураҙа байрамы һәм Ҡорбан ғәйете. Улар “Башҡортостан Республикаһында байрамдар һәм иҫтәлекле көндәр тураһында”ғы Законда сағылыш тапҡан. Был исемлекте киңәйтеүҙең төбәгебеҙ иҡтисадында ыңғай сағылыш табыуы икеле. Ял көндәренең береһен эш көнө тип иҫәпләнгән 31 декабргә күсереүгә килгәндә, был идея иһә ғәмәлгә яраҡлы, тик ул башҡарма власть органдары ҡарамағына инә.
Мәғлүм булыуынса, Рәсәйҙең ҡайһы бер төбәктәрендә ял көндәренең береһен 31 декабргә күсереү йәки был датаға ял көнө статусын биреү әүҙем тикшерелгәйне. Ҡырымда, Томск, Киров, Псков өлкәләрендә, Ставрополь крайында ял көнөн ошо датаға күсерергә ҡарар ителде.https://bash.rbsmi.ru/articles/y-m-i-t/31-dekabr--yal-ite-tura-inda-32354/
