+22 °С
Ямғыр
Новости
2 Декабрь 2019, 09:35
Төшкө ашҡа бәлешегеҙ әҙерме?
Ял көнөндә табындарығыҙ бигерәк һыйлылыр, уңған хужабикәләр. Беҙ һеҙҙең иғтибарға тағы бер ризыҡтың рецебын тәҡдим итәбеҙ. Ашығыҙ тәмле, тормошоғоҙ йәмле булһын!
Был бәлеште бешереү өсөн оҙаҡ ваҡыт кәрәкмәй. Уның өсөн беҙгә 2,5 стакан он, бер ҡап маргарин, бер йомортҡа, 0,5 стакан шәкәр, 0,5 сәй ҡалағы сода, ике аш ҡалағы майонез, бер аш ҡалағы лимон һуты, 0,5 стакан повидло кәрәк буласаҡ.
Тәүҙә онға сода менән маргарин һалып, валсыҡлап әүәләйбеҙ. Йомортҡаны айырым һауытта шәкәр менән туғыйбыҙ, лимон һуты, майонез ҡушып бутайбыҙ. Килеп сыҡҡан ҡатнашманы әүәләнгән онға ҡушып, ҡамыр баҫабыҙ. Ҡамырҙы ике өлөшкә бүләбеҙ ҙә, бәләкәйерәген һыуытҡысҡа 5-10 минутҡа һалып ҡуябыҙ. Артабан форманы майлап, ҡамырҙы йәйеп һалабыҙ. Өҫтөнә повидло һөртәбеҙ. Һыуытҡыстан ҡамырҙың икенсе өлөшөн сығарып, эре ҡырғыс аша үткәреп, бәлештең өҫтөнә тигеҙләп һибәбеҙ.
200 градусҡа тиклем йылытылған духовкала 20 минут бешереп алабыҙ. Бәлеш әҙер. Ҡамырға майонез өҫтәгәнгә күрә, ул һығылмалы һәм ыуылып ҡына тора. Табындарығыҙ түңәрәк булһын!https://bash.rbsmi.ru/articles/matur-t-en-yaly-y/T-shk-ash-a-b-leshege--erme-19241/
