Шкаф эсендә ни бар?

Башҡортостан тәфтиш комитеты хәбәр итеүенсә, 2019 йылдың 18 ноябрендә Ишембай районында 20 йәшлек егет 53 йәшлек ирҙә ҡунаҡта була. Спиртлы эсемлекһеҙ булмай бында ла күңел асыу, тәүҙә эсәләр, һуңынан нимәгәлер талашып китәләр. Ыҙғыштың ҡыҙған мәлендә өй хужаһы ҡунағын быуып үлтерә, ә иртән уның кәүҙәһен соланға йәшерә.

Алты көндән һуң егеттең туғандары уның юғалыуы тураһында полицияға хәбәр итә. Эҙләү-оператив саралары һөҙөмтәһендә ҡыҫҡа ваҡытта хәл-ваҡиғаның осона сығып, зыян күреүсенең һуңғы булған урынына килеп төртөләләр. Өй хужаһы ғәйебен таный.

Әлеге ваҡытта уны һаҡ аҫтына алыу буйынса саралар ҡарала һәм енәйәт эшен тикшереү дауам итә. Элек тә был әҙәм кеше ғүмеренә ауыр зыян килтереп, уны үлемгә еткереүсе булараҡ хөкөм ителгән булған.https://bash.rbsmi.ru/articles/y-m-i-t/Shkaf-esend-ni-bar-20740/