+21 °С
Болотло
Новости
29 Ноябрь 2019, 07:30
"Ока"ны кем талаған?
Өфөнөң Зенцов урамындағы бер йорт алдында иртән ҡанға мансылған, таланған, тәҙрәләре ватылған ватан автомобилен күреп, кешеләрҙең ҡото оса. Улар был турала, машинаның фотоһын ҡуйып, социаль селтәргә яҙып ебәрә.
Ә 27 ноябрҙә был машинаны нисек алып ҡасыуҙарын теркәгән видеояҙма интернетҡа һалынған. Унан күренеүенсә, билдәһеҙ кешеләр - өс егет һәм бер ҡыҙ (ул ҡарауылда тора, күрәһең) - автомобилдең аккумуляторын алыр өсөн капотты емерергә маташа. Бынан тыш, улар тағы дүрт машинаны емерергә маташа. Ике "ВАЗ-2114"-тең капотын ватҡандар, берәүһенең АКБ-һын урлағандар.
Әлеге ваҡытта төнгө ҡунаҡтарҙың "эшмәкәрлеге", йәғни талау осрағы буйынса тикшереү башланған, полиция хеҙмәткәрҙәре ваҡиға урынын өйрәнә, был эштә ҡатнашы булғандарҙы эҙләй.
Фото: социаль селтәрҙән.https://bash.rbsmi.ru/articles/y-m-i-t/Oka-ni-kem-tala-an-21263/
