+21 °С
Болотло
Новости
24 Ноябрь 2019, 15:40
Ярҙам итегеҙ, ауылдан сыға алмайбыҙ...
Стәрлебаш районындағы Йомағужа ауылы халҡы йылдар дауамында юлһыҙ интегә. Аптырағандан кѳндән республика Башлығына мѳрәжәғәт иткәндәр.
Йомағужа һәм Яңы Ивановка ауылдары араһындағы ѳс саҡрым юл насар хәлдә. Шул сәбәпле урындағы халыҡ транспортта йѳрѳй алмай. Ҡарлы-ямғырлы кѳндәрҙә иһә юл бѳтѳнләй үткеһеҙгә әйләнә. Кешеләр күрше ауыл аша йѳрѳргә тырышһа ла, унда ла юл яҡшынан түгел.
Был инцидент буйынса Стәрлебаш районы хакимиәтенән: "Һеҙҙең Йомағужа – Яңы Ивановка автомобиль юлы хәле буйынса мѳрәжәғәтегеҙ иғтибарға алынды. Беҙ һеҙгә мотлаҡ яуап бирәсәкбеҙ", - тип яуап биргәндәр.
Яуап биреп кенә ҡалмаҫтар, сара ла күрерҙәр тип ышанғы килә.
Фото: "Бәйләнештә" социаль селтәренән.
Республика баҫмаларынан.
