+22 °С
Ямғыр
Новости
21 Ноябрь 2019, 07:00
“Йоҡом туймаһа, штраф түләрһең”
Федерация Советында административ хоҡуҡ боҙоуҙар кодексына төнгө мәлдә тынлыҡты боҙған өсөн яуаплылыҡ индерергә уйлайҙар. Кешегә ял итеүҙә, йоҡо туйҙырыуҙа ҡамасаулаған, кәйефте боҙған күршеләр бынан һуң штраф түләйәсәк.
Был киске 23 сәғәттән иртәнге 7 сәғәткә тиклемге осорға ҡағыла. Штраф күләме өс меңгә тиклем. Тынлыҡты боҙоуҙың сәбәптәре күп төрлө булыуы мөмкин: ҡысҡырыш, талаш, ремонт эше, аҡырып йырлау, музыка, шау-шыулы табын ойоштороу... Хатта төнөн диванды күсергән өсөн дә штраф сәпәүҙәре ихтимал.
Элек тә был мәсьәлә күтәрелгәйне, тик хәҙер был эш анығыраҡ ойошторолорға тейеш, хоҡуҡ һаҡлаусылар һәм субъекттар араһында өҫтәмә килешеүҙәр төҙөләсәк. Бығаса тәртип боҙоуҙар язаһыҙ ҡалдырылһа, хәҙер хәл үҙгәрәсәк. Әле тәҡдимдәр өйрәнелә, төбәктәрҙең теләктәре иҫәпкә алына.https://bash.rbsmi.ru/articles/kh-ef-e-lek/Yo-om-tuyma-a-shtraf-t-l-r-e-14653/
