+21 °С
Болотло
Новости
20 Ноябрь 2019, 12:35
Йөрәгегеҙ ваҡытынан алда туҡтамаһын тиһәгеҙ...
Йөрәге ҡапыл туҡтауҙан Рәсәй сәйәсмәне, 41 йәшлек Никита Исаев өс көн элек вафат булды, унан элгәре ошо уҡ сәбәпле 35 йәшлек артист Децл, журналист Сергей Доренко көслө саҡтарында яҡты донъяны ҡалдырҙы Ҡыҙғанысҡа ҡаршы, был исемлекте әллә күпме дауам итергә булыр ине.
Статистика ҡурҡыныс. Йөрәк-ҡан тамырҙары сирҙәренән халыҡ күпләп ҡырыла. Кардиологтарҙың әйтеүенсә, ябай ғына тестың дә кешегә үҙенең ниндәй төркөмгә инеүен асыҡларға ярҙам итеүе мөмкин.
Иң юғары хәүефле төркөмгә инеүселәр: бил киңлеге 102 сантиметрҙан ашҡан ирҙәр. Ҡатын-ҡыҙ өсөн был күрһәткес 88 cантиметрҙан артмаһын. Ҡан баҫымы юғары булғандар. Шәкәр диабетына юлығыусылар. Тоҙҙо мул ҡулланыусылар. 50-55 йәшлек ҡатын-ҡыҙҙар һәм 45 йәшлек ир-ат өсөн хәүеф бермә-бер арта.Тәмәке тартыусылар һәм аҙ хәрәкәт итеүселәр. Ата-әсәһе йөрәк сирҙәренә бирешкән, сир нәҫелдән килгән осраҡта.
Әгәр ошо төркөмгә инәһегеҙ икән, мотлаҡ табипҡа күренегеҙ.
Бөтә ошо факторҙарҙан тыш, тормоштағы стрестарҙан ҡотолорға кәрәк. Иң яманы – хроник стресс, ти белгестәр. Тап шул арҡала йәштәр ваҡытынан алда көтмәгәндә яҡты донъя менән хушлаша, тип иҫбатлай табиптар.
