+21 °С
Болотло
Новости
18 Ноябрь 2019, 13:10
Психик ауырыулы ир аниматор булып эшләгән
Хәҙер ата-әсәләр баланың тыуған көндәрен сағыу, күңелле итеп үткәрергә тырыша. Бының өсөн күп кенә суммаһын сығарып һала. Йыш ҡына уйын майҙансыҡтарына йәки өйгә аниматорҙар саҡырып, баланың байрамын мөғжизәгә сорнай. Күп осраҡта шул әкиәт геройы булып кейенеп килгән кешенең кем булыуы менән ҡыҙыҡһынмайбыҙ ҙа.
Ә бына Күмертау ҡалаһында балалар аниматоры булып аҡса эшләүсе ир шизофрения ауырыулы булып сыға. Ошо йылдың апрель айында ул ҡорал йөрөтөү өсөн ризалыҡ алыу маҡсаты менән медицина тикшереүе үтә. (Уға ҡорал нимәгә кәрәк булыуы билдәһеҙ). Шунда ирҙең психоневрология диспансерында иҫәптә торғанлығы асыҡлана. Медицина тикшереүе табиптары уны кисекмәҫтән дауаханаға һалырға тигән ҡарар сығара. Тик ул баш тарта, сөнки үҙен бер ҙә сирле тип иҫәпләмәй, биреләнә башлай. Ахырҙа поликлиниканан ҡасып сығып китә.
Табиптарҙың ҡарарын законға ҡаршы килеү тип иҫәпләп, уның туғандары судҡа биргән. Оҙаҡҡа һуҙылған судлашыуҙарҙан һуң кем еңер... Район суды табиптар хаҡлы тигән ғарар сығарғаны билдәле. Ошо көндәрҙә Һамарҙа Кассацион суд буласаҡ.
Шулай ҙа балаларыбыҙҙы шатландырырға кемдәр килеүен ентекле тикшерәйек. Һыналғандарға ғына мөрәжәғәт итеү фарыз.
