+22 °С
Ямғыр
Новости
17 Ноябрь 2019, 16:45
Юл фажиғәләре - 16 ноябрь
Кисәге Башҡортостан юлдарында 17 автомобиль аварияһы теркәлгән. Өс кешенең ғүмере фажиғәле өҙөлгән, 21 кеше травмалар алған.
Кисәге сәғәт ун бер тирәһендә Өфө–Ырымбур юлында ҡара-ҡаршы килгән Лада-2171 менән УАЗ-3909 бәрелешә.
"Приора"ның 32 йәшлек водителе (ул Мәләүездән) Күмертау дауаханаһында йән бирә.
УАЗ-дың 48 йәшлек водителе менән 35 йәшлек пассажиры ла төрлө йәрәхәттәр алып, дауаханаға эләккән (улар Пермь өлкәһенән).
Бөгөн төндә, сәғәт өсөнсө яртыла, Әбйәлил районының Гусево ауылында 39 йәшлек ирҙе автомобиль төкөтөп ҡаса. Өфө кешеһе яраларҙан һәләк була.
Бер аҙҙан ул машинаны эҙләп табалар. 21 йәшлек водитель егеттең "права"һы ла юҡ, етмәһә эскән килеш машина йөрөткән булған.
Таңғы сәғәт дүрттәр тирәһендә Кушнаренко районында 23 йәшлек Өфө егете "Лада–Гранта"ла юлдан осоп төшә. Түңкәрелгән машинала 22 йәшлек пассажир егет һәләк була. Водитель үҙе лә ауыр йәрәхәттәр алған.
Тәүлек эсендә ЮХХДИ хеҙмәткәрҙәре тарафынан 2 мең 300 протокол төҙөлгән, эскән килеш машина йөрөткән 47 водитель тотолған.
https://yeshlek.rbsmi.ru/articles/ya-yly-tar-ta-ma-y-netu/yul-fazhi-l-re-16-noyabr/
