Моргта хәләл билмән эшләмәйәсәктәр!

Ҡалалағы берҙән-бер морг оҙаҡ ваҡыт Ноғоманов урамындағы дауахана биләмәһендә эшләгән. Бина иҫкергәндән һуң ҡала етәкселәре уны башҡа ерҙә, Комаров урамында төҙөргә булған. Медицина учреждениеһы яңыраҡ тантаналы шарттарҙа асылған. Хәҙер унда суд-медицина экспертизаһы үткәреү өсөн бөтә шарттар бар.

Ә моргтың элекке бинаһы шул көйөнсә ҡалған. Дауахана биләмәһендә йөрөгән кешеләр уға эленгән алтаҡтаны күреп ғәжәпләнгән. Хәләл билмән етештереү цехы өсөн башҡа урын тапмағандармы?..

Ҡала хакимиәте етәкселеге халыҡты тынысландырырға тырыша, кешеләр һығымта менән ашыҡҡан, адрестарҙы бутаған, ти улар. Был бинала бер ҡасан да морг булмаған, улар яҡын урынлашҡанлыҡтан, өҫтәүенә бер нисә объекттың 54 һаны менән йөрөгәнлектән, кешеләрҙең яңылышыуы ғәжәп түгел, тигән асыҡлыҡ индерә етәкселәр.https://bash.rbsmi.ru/articles/y-m-i-t/Morgta-h-l-l-bilm-n-eshl-m-y-s-kt-r-10049/