+22 °С
Ямғыр
Новости
6 Ноябрь 2019, 06:30
Ноябргә халыҡ һынамыштары
Кешеләр элек-электән тәбиғәт күренештәренә, күк есемдәренең үҙгәрештәренә ҡарап киләсәкте фаразларға тырышҡан. Күп осраҡта быуаттар буйына һыналған ошондай һынамыштар дөрөҫкә тап ҡилгән. Ноябрь айына бына шундай халыҡ һынамыштарын тәҡдим итәбеҙ.
- 1 ноябрҙә ямғыр өҫтөнә ҡар яуһа, йәй һалҡын килер, бесән уңыр.
- 9 ноябрҙә бәҫ ҡунһа, алдағы көндәр – һыуыҡ, томан булһа, йылы булыр.
- Көҙ оҙон килһә, яҙ һуң килер.
- Көҙ аҙағында түңәрәк-түңәрәк ваҡ ҡына боҙ яуһа, ҡыш һыуыҡ булыр.
- Беренсе ҡар көндөҙ яуһа – ҡыш һыуыҡ, төндә яуһа – йылы килер.
- Йорт ҡоштары баштарын ҡанаттары аҫтына йәшерһә, көн һалҡынайыр.
- Ҡаҙ-өйрәктәр ҡарҙа ҡойонһа, көн йылыныр, буран булыуы ихтимал.
