“Кәкре сүкеш”те Радий Хәбиров ниңә саҡыртҡан?

Әлеге ваҡытта уның эшмәкәрлеге интернет селтәрендә, бигерәк тә Instagram сайтында киң йәйелдерелгән: егет көн дә тиерлек ҡыҙыҡлы видеояҙмалары менән ҡыуандырып тора. Шуларҙың береһе, дөрөҫөрәге, тиҫтәнән ашыу серияға һуҙылған “Оперативка” яҙмалары ҡайһы бер бөгөнгө көн чиновниктарының етешһеҙлектәренә арналған. Ике персонаждың берәүһе Башҡортостан Башлығы Радий Хәбиров алдында отчет менән сығыш яһай, икенсеһе уны тәнҡитләй, ысын йөҙөн аса, теге йәки был “гонаһ”тарына төртөп күрһәтә.

Ошо көндәрҙә Инстаграмда Фидан Ҡолмөхәмәтовтың был видеояҙмаларын йотлоғоп ҡараған һәр яҙылыусы көтөлмәгән яңылыҡҡа юлыҡты: Фидан үҙ сәхифәһенә республика етәксеһе менән төшкән фотоһын ҡуйҙы. Баҡтиһәң, Радий Фәрит улы Фидандың видеояҙмаларына Фейсбук сайтында юлыға, унда “Күптән былай көлгәнем юҡ ине” тигән комментарий ҙа ҡалдыра.

Юмористың үҙе менән бәйләнешкә сығырға насип булды, әммә ул һөйләшеүҙең һөҙөмтәһе сер булып ҡалһын тине. Шуныһы мәғлүм: киләсәктә “Оперативка” видеояҙмалар серияһы мөһимерәк проектҡа олғашмаҡсы. Ваҡыт күрһәтер.https://bash.rbsmi.ru/articles/y-m-i-t/K-kre-s-kesh-te-Radiy-H-birov-ni--sa-irt-an-5007/