Өфөлә мәсет янған

Янғын урынына оператив рәүештә алты берәмек техника һәм 22 кеше, полиция хеҙмәткәрҙәре һәм медиктар ебәрелгән.

Ғәҙәттән тыш хәлдәр министрлығының Башҡортостан буйынса идараһы матбуғат хеҙмәте мәғлүмәттәре буйынса, мәсет бинаһының икенсе ҡатында янғын сыҡҡан.

- Беренсе янғын һүндереү һәм ҡотҡарыу бүлексәһе хеҙмәткәрҙәре хәбәр итеүенсә, бинаның икенсе ҡатында янғын булыуы асыкланған. Һәләк булыусылар һәм зыян күреүселәр юҡ, - тип хәбәр иттеләр ведомствола. Әлеге ваҡытта янғын урынында тикшереүселәр эшләй. Был хәлдең сәбәптәре асыҡлана.

Республика баҫмаларынан.