+21 °С
Болотло
Новости
2 Ноябрь 2019, 03:57
Йәнә диктант яҙабыҙ
Халыҡтар берҙәмлеге көнө алдынан ноябрҙә “Этнография буйынса ҙур диктант” Бөтә Рәсәй акцияһы уҙғарыла. Ул илебеҙҙең барлыҡ төбәктәрендә һәм сит илдәрҙә урындағы ваҡыт буйынса иртәнге сәғәт 11-ҙә башлана.
Башҡортостанда Этнография буйынса ҙур диктантты 55 майҙансыҡта яҙалар. Мәғлүм булыуынса, Рәсәйҙә был күләмле акция дүртенсе йыл ойошторола. Диктант халыҡтың этнография буйынса, илебеҙҙә йәшәгән халыҡтар тураһындағы белем кимәлен баһалау мөмкинлеген бирәсәк. Ул этник-ара мөнәсәбәттәрҙе көйләүҙә ҙур әһәмиәткә эйә булған этнография фәненә иғтибарҙы йәлеп итәсәк.
Диктантта утыҙ һорау ҡуйыла: 20-һе – барыһы өсөн дә дөйөм, 10-ы – һәр төбәк өсөн айырым. Эште башҡарыуға 45 минут ваҡыт бирелә. Мәсьәләләрҙе сисеп, иң күбе 100 балл йыйырға була.
Башҡортостанда акцияны республиканың Мәҙәниәт, Мәғариф министрлыҡтары, Халыҡтар дуҫлығы йорто ойоштора. Ниндәйҙер сәбәп буйынса төбәк майҙансыҡтарында белемен тикшерә алмағандар өсөн Этнография буйынса ҙур диктанттың www.miretno.ru сайтында 1 – 4 ноябрҙә онлайн тәртибендә тест үткәрелә.
