“Иң яҡын әхирәттәремдең өсөһө лә – башҡорт ҡыҙҙары”

Бала сағында күберәк үҙ мил­ләте вәкилдәре – мариҙар менән генә аралашып үҫкән ҡыҙ юғары уҡыу йортона инер алдынан бер аҙ ҡаушау тойғоһо ла кисерә – башҡа милләттәр менән уртаҡ тел таба алмаҫмын, улар тарафынан аңлау булмаҫ тип ҡурҡа:

– Башҡортостанда мари мил­лә­те йәшәгәненә күп курсташтарым тәү­ҙә аптыраны. Халҡым тура­һын­дағы мәғлүмәттең әҙ булы­уының яҡшы яҡтары ла күп икән: мари милләте менән ҡыҙыҡ­һы­ныуҙар артты, мари халыҡ йыр­ҙарын, мари халыҡ бейеүҙә­рен күрһәтеүҙе һорайҙар, тел үҙенсә­лектәре менән ҡыҙыҡ­һыналар.

Ирина биш йыллыҡ уҡыу барышында күп кенә башҡа милләт вәкилдәре менән таныша. “Иң яҡын әхирәттәремдең өсөһө лә – башҡорт ҡыҙы” тине ул.

Әйткәндәй, мари теленең ҡайһы бер һүҙҙәре беҙҙекенә ауаз­даш икәненә иғтибар ит­кәнегеҙ бармы? Мәҫәлән: “Эрекан” – ирекле, “патыр” – батыр, “инянем” – инанам һәм башҡалар. Бәлки, тап ошо күренеш тә был ҡыҙҙар араһында дуҫлыҡ ебе һуҙылыуға булышлыҡ иткәндер.

Ирина Николкина тыуған Баш­ҡортостанын, кескәй Ватаны – Мишкә районын өҙөлөп ярата, киләсәктә был ерҙәргә, милләт­тәштәренә, башҡа халыҡтарға файҙалы шәхес – табип булырға әҙерләнә, уларҙың тормошон яҡшы яҡҡа үҙгәртергә хыяллана.