Йорттар һанлаштырыла

“Йорт. Контроль” системаһына (www.domcontrol.mobi) идара итеүсе ойошмаларҙы һәм торлаҡ милекселәре ширҡәттәрен, шулай уҡ Башҡорт­остандың ауыл һәм ҡала биләмәләрен тоташтырыу, ҡала үҫеше мәсьәләләрен хәл итеүгә граждандарҙы йәлеп итеү төбәк һанлы платформаһын һәм “Йорт. Контроль” һәм Асыҡ республика системаларынан алынған төрлө мәғ­лүмәт­тәрҙе йыйыу һәм анализлау буйынса төбәктең Торлаҡ-коммуналь хужалығының идара итеү пультын берләштереү башланды.

– Торлаҡ-коммуналь хужалыҡҡа һанлы технологияларҙы индереү – күптән өлгөрөп еткән мәсьәлә. Бөгөн беҙҙең алда ҡала хужалығына идара итеүҙең сифатын һәм өлкәләге предприятиеларҙың эшен яҡшыртыу мәсьәләһе тора. Граждандар тейешле кимәлдәге сервис хеҙмәттәр менән тәьмин ителергә тейеш, – тип бил­дәләне форумда Башҡортостан Хөкүмәте Премьер-министры урын­баҫары – торлаҡ-коммуналь хужалыҡ министры вазифаһын башҡарыусы Борис Беляев.

“Йорт. Контроль” – күп функциялы сервис, ул ҡушымтанан ғариза биреү, онлайн тәртибендә һорау алыу һәм тауыш биреү, иҫәпләгестең күрһәт­мәләрен теркәү, халыҡ төркөмдәре буйынса push-хәбәр ебәреү, онлайн тәртибендә пропусктарға заказ биреү, идара итеү иҫәбен һәм документтарҙы теркәү кеүек функцияларҙы үтәгән аҡыллы һанлы диспетчерлыҡты үҙ эсенә ала.

“Йорт. Контроль” компанияһы Рәсәй Төҙөлөш һәм торлаҡ-коммуналь хужалыҡ министрлығы һәм РФ Һанлы үҫеш, элемтә һәм киң коммуникациялар министрлығы тарафынан 2018 йылда аккредитацияланғайны. Бөгөн был компания Рәсәй Федерацияһының 26 төбәгендә үҙ эшмәкәрлеген алып бара. Төбәктәрҙең торлаҡ-коммуналь хужа­лығын комплекслы һанлаштырыу “Рәсәйҙең һанлы иҡтисады”, “Торлаҡ һәм ҡала мөхите” һәм “Аҡыллы ҡала” милли проекттары буйынса ғәмәлгә ашырыла.

– Торлаҡ-коммуналь хужалыҡ өлкәһе даими рәүештә социаль көсөргәнеш сығанағы булып тора. Беҙ бөгөн граждандарҙың ҡала үҫеше мәсьәләләрен хәл итеүгә йәлеп ителгән ялыуҙарының өстән бер өлөшө күп фатирлы йортҡа идара итеүгә, күп ҡатлы йорттарҙың хәл-торошона, идарасы ойошмалар менән мөнәсәбәткә ҡағылышлы булыуын күҙәтәбеҙ, – тип билдәләне “Йорт. Контроль” яуап­лылығы сикләнгән йәмғиәте директоры Вадим Потехин. – Был өлкә үҙгә­рештәргә ауырлыҡ менән бирелә, шуның өсөн дә уны һанлаштырыуҙан күпте көтәбеҙ.

“Йорт. Контроль” Башҡортос­тандың халҡы һәм идара итеүсе компаниялары араһында тотороҡло күпер булмаҡсы. Уны төҙөү заманса һәм уңайлы мөхиткә табан алға аҙым яһау тигәнде аңлата.https://bash.rbsmi.ru/articles/i-tisad/yorttar-anlashtyryla/