+22 °С
Ямғыр
Новости
25 Октябрь 2019, 06:50
Стәрлебаш районында һәр йорт янғын иҫкәртеү ҡорамалы менән йыһазландырыла
Хәүефһеҙлек тәү сиратта. Урындағы халыҡ хәүефһеҙлек сараһын ыңғай ҡабул итә, сөнки ҡайһы бер ауылдарҙа зәңгәр яғыулыҡ булмау сәбәпле, электр плитаһы ҡулланырға йәки мейескә утын яғырға тура килә.
Стәрлебаш районы Ҡыҙыл Яр ауылында йәшәүсе Илһам Дәүләтшин яңы ҡорамалдың сифатын һынап ҡарай. Ҙур булмаған прибор яуаплы функция үтәһә лә, йорт хужаһы уны көйләп ҡуйыу хаҡында уйланмаған. Урындағы етәкселәр һәр йортто үҙҙәре прибор менән тәьмин итеп сыға.
Ошо уҡ ауылда йәшәүсе башҡа ғаиләләр ҙә күптән түгел хәүефһеҙлек ҡоролмаһы менән тәьмин ителгән. Йортон мейес ярҙамында йылытҡан Гөлнур Хәбибуллина прибор һәр өйҙә булырға тейеш тигән фекерҙә.
Йәшергән ауыл биләмәһе йорттарына янғын иҫкәртеү ҡоролмаларын хакимиәт башлығы шәхсән үҙе ҡуйған. Рәсми һандарҙан күренеүенсә, йыл башынан ғына Стәрлебаш районында 44 янғын осрағы теркәлгән. Урындағы етәкселәр әйтеүенсә, һүҙ кеше ғүмерҙәрен һаҡлау тураһында барғанда тәү сиратта фажиғәне иҫкәртеүгә баҫым яһалырға тейеш.
Республикала янғынды иҫкәртеүгә етди иғтибар бүленә. Башҡортостандың ғәҙәттән тыш хәлдәр министрлығы тарафынан ойошторолған тикшереүгә ярашлы янғындарҙа күп осраҡта аҙ тәьмин ителгән, өлкән йәштәге йәки спиртлы эсемлектәр ҡулланған граждандар һәләк була.
Башҡортостандың 2024 йылға тиклем билдәләнгән социаль-иҡтисади үҫеш стратегияһына ярашлы, мохтаж ғаиләләр йортон янғын иҫкәртеү приборҙары менән йыһазландырыу өсөн 200 меңдән ашыу ҡоролма бүлеү ҡаралған. Быйылғы һөҙөмтәләргә килгәндә ябай иҫкәртеү ҡоролмаһы республикала 290 кешенең ғүмерен һаҡлап ҡалырға ярҙам иткән.
Республика яңылыҡтарынан.
