+21 °С
Болотло
Новости
25 Октябрь 2019, 08:30
Мәскәүҙәге башҡорт яҡташтар ойошмаһы активистарын бүләкләне
Маҡтау грамоталары һәм рәхмәт хаттарына йыл дауамында республиканың 100 йыллығына арналған сараларҙы әҙерләү һәм уҙғарыуҙа әүҙем ҡатнашыусы милләттәштәребеҙ, «Һабантуй-2019» Мәскәү халыҡ-ара фестивален ойоштороу комитеты ағзалары, Башҡортостандан Мәскәү һәм Санкт-Петербург юғары уҡыу йорттарында белем алыусы студенттар һәм аспиранттар лайыҡ булды.
Осрашыуҙа шулай уҡ республика юбилейын сағылдырыусы федераль һәм төбәк матбуғат саралары вәкилдәре лә билдәләнде.
Осрашыуҙа Башҡортостандың Мәскәүҙә һәм Санкт-Петербургта белем алыусы студенттар һәм аспиранттар ассоциацияһы ағзалары айырым билдәләнде. Башҡортостан юбилейы йылында йәштәр йәмәғәт ойошмаһы илдең баш ҡалаһында төрлө социаль әһәмиәтле һәм мәҙәни саралар, шул иҫәптән «Мәскәүҙең башҡорт һылыуы» конкурсын ойоштороусы булып сығыш яһаған.
Республика яңылыҡтарынан.
