+22 °С
Ямғыр
Новости
18 Октябрь 2019, 11:49
ЙОНДОҘНАМӘ (21 – 27 октябрь)
ҠУҘЫАҙна бер аҙ көсөргәнешле башланып китер. Ләстит, имеш-мимеш һүҙ йөрөр. Уларға ҡолаҡ һалмаһағыҙ, барыһын да еңеп сығырһығыҙ. Тормошоғоҙға яңылыҡ индереүҙән ҡурҡмағыҙ. Мөһим ҡарар ҡабул иткәндә тотанаҡлы булырға, ныҡлы уйларға кәңәш ителә.
БУҒА
Эшлекле осрашыуҙар, һөйләшеүҙәр уңышлы булыр. Ярҙам һорағандарға булышлыҡ итеүҙән баш тартмағыҙ. Ниндәйҙер яңы проектты тормошҡа ашыра башларһығыҙ, ул уңыш килтерер. Матди хәлегеҙ тотороҡло кеүек, тик аҡсағыҙҙы бушҡа сарыфламағыҙ.
ИГЕҘӘКТӘР
Һәр йәһәттән “алтын урталыҡ”ты һаҡлағыҙ. Ваҡиғаларҙы ашыҡтырмаһағыҙ, бөтәһе лә һеҙҙең файҙаға тамамланыр. Артыҡ әүҙемлек күрһәтмәгеҙ, әле “күләгәлә тороп” ҡына хәлгә идара итеү хәйерле. Тормошоғоҙға яңылыҡ индерергә ваҡыт еткән кеүек.
ҠЫҪАЛА
Мәшәҡәттәр күбәйеп китер. Мөһим осрашыуҙарҙы планлаштырмағыҙ, аяҡ салыусылар табылыр. Сетерекле мәсьәләне хәл итеүҙе лә бер аҙға кисектереп тороғоҙ. Дуҫ-ишегеҙҙең кәңәшен тыңлағыҙ, әммә үҙегеҙсә эшләгеҙ.
АРЫҪЛАН
Хыялығыҙ ысынбарлыҡтағы хәлдәргә тап килмәй кеүек. Киләсәгегеҙ өсөн хәүефләнеп, мәкерле план ҡороуҙан баш тартығыҙ, аҙағы хәйерле булмаҫ. Эш урынын алмаштырырға теләгәндәр өсөн осор уңыш килтерер. Был аҙнала һаулығығыҙға иғтибар бирегеҙ.
ҠЫҘ
Һүҙ һөйләүҙән туҡтап, тулыһынса эшкә бирелегеҙ. Ялҡауланмаһағыҙ, аҙна бик һөҙөмтәле булмаҡсы. Килемде арттырыу мөмкинлеге әленән-әле тыуып торор. Шәхси мөнәсәбәттәрҙә торғонлоҡ һиҙелер, әммә был яҡшыға ғына – әлегә ваҡыт етмәгән.
ҮЛСӘҮ
Эштәрегеҙ артып китер. Өҫтәүенә яҡындарығыҙ һеҙҙең ярҙамға мохтаж кеүек. Ҡорған пландарығыҙ тураһында берәүгә лә һөйләмәй, үҙаллы эш итһәгеҙ, ниәттәрегеҙ тулыһынса тормошҡа ашыр. Яңғыҙҙарҙың икенсе яртыһын осратыуы ихтимал.
САЯН
Ярайһы уҡ һөҙөмтәле аҙна көтөлә. Логик фекерләү төшөнсәһе ят булмаһа, һәр төрлө хәлдәрҙән сығыу юлын табырһығыҙ. Белемегеҙҙе камиллаштырыу өҫтөндә шөғөлләнеү зыян итмәҫ. Табышлы эш тәҡдим итеүҙәре ихтимал.
УҠСЫ
Үҙегеҙгә туранан-тура бәйле мәсьәләләрҙе хәл иткәндә башҡаларҙың кәңәшенә ҡолаҡ һалмағыҙ, үҙаллы ҡарарға килегеҙ. Әүҙемлегегеҙҙе кәметеп тороп, бер аҙ ял итеп алығыҙ. Яҡындарығыҙ менән низағлашыуҙан һаҡланығыҙ.
ЫЛАҠ
Был аҙнала ашыҡмаһағыҙ, һәр йәһәттән уңышҡа өлгәшерһегеҙ. Яуаплы ҡарар ҡабул итергә тура килер, уның һөҙөмтәһе тормошоғоҙҙа ныҡлы сағылыш табыр. Шәхси мөнәсәбәттәрҙә ыңғай үҙгәрештәр көтөлә. Шулай ҙа был аҙнала иғтибар үҙәгендә эш урыны булыр.
ҺЫУҒОЯР
Табышлы эшкә аҡса һалыу менән шөғөлләнерһегеҙ, моғайын. Шулай ҙа һәр аҙымығыҙҙы ентекле уйлап баҫығыҙ, алдап ҡуймаһындар. Осор сәйәхәт итеү өсөн дә уңайлы булмаҡсы, тик эш, ғаилә мәшәҡәттәренән баш тарта алырһығыҙмы?
БАЛЫҠ
Яҙмыш бүләк иткән мөмкинлектән файҙаланып ҡалырға ашығығыҙ. Ҡулығыҙҙан килмәгән эш булмаҫ. Унан оло кинәнес алырһығыҙ. Кешенең һеҙҙең турала нимә уйлауына иғтибар итмәгеҙ, ниәттәрегеҙҙе тормошҡа ашырыу менән шөғөлләнегеҙ.
