+21 °С
Болотло
Новости
13 Октябрь 2019, 08:17
"Яҡшы һөҙөмтәләр менән әйләнеп ҡайтырмын тип ышанам"
Яратҡан йырсыбыҙ, композитор, алып барыусы Нурия Абдуллинаның яман шештән дауаланыу курстары үтеүе хаҡында яҙа барабыҙ.
Ошо көндәрҙә ул "Бәйләнештә" төркөмөндә балаларының "Родина" кинотеатрына "Беренсе Республика" фильмына алып барғаны, унда яҡташтарын осратҡаны хаҡында ҡыуанып белдергәйне.
4 октябрҙә Нурия Абдуллина Санкт-Петербург ҡалаһына осто. Ошо хаҡта ул социаль селтәрҙәрҙә былай тип хәбәр итә: "Бөтәгеҙгә лә матур, эшлекле көн теләйем. Был һүҙҙәрҙе аэропорттан яҙам, Санкт-Петербургка сираттағы процедураға осабыҙ. Хәлем ҡәнәғәтләнерлек. Яҡшы һөҙөмтәләр менән әйләнеп ҡайтырмын тип ышанам".
Уңышлы сәфәр һеҙгә, Нурия апай! Һаулығығыҙҙы нығытып ҡайтығыҙ!
