Ҡуртым хаҡын игенләтә түләйҙәр

Үҙгәртеп ҡороуҙарҙан һуң, колхоздар тарҡалғас, ерҙәрҙе урындағы халыҡҡа билдәләү хоҡуғы биргәйнеләр. Ҡомары булғандар үҙҙәре эшкәртеп, файҙаһын күрә. Ә ҡалғандар, пай ерҙәрен рәсми теркәп, оҙайлы ваҡытҡа ҡуртымға бирҙе.

Ҡуртымға алыусы – “Башкир-агроинвест” ойошмаһы. Йыл да ул хаҡты игенләтә түләй. Пай башына бишәр центнер бирә. Быйыл халыҡ арпа алып ҡыуанды. Ҡышҡылыҡҡа мал-тыуарға, ҡош-ҡортҡа ашатырға булды, тип ҡыуана улар.

Беҙ ҙә ҡайтып, әсәйем менән ағайымдың өлөшөн алыуҙа ярҙамлаштыҡ. Көҙҙөң сыуаҡ матур көнөн, ауылдаштарымдың ҡәнәғәт йөҙөн күреп, күңел күтәрелде.

https://bash.rbsmi.ru/articles/i-tisad/urtym-kha-yn-igenl-t-t-l-y-r-/