+22 °С
Ямғыр
Новости
7 Октябрь 2019, 06:04
Бындай дауаханала нисек ятмаҡ кәрәк?!
Саҡмағош районының Иҫке Ҡалмаш ауылындағы дауахананың стационарында һаулығын нығытҡан дуҫының хәлен белергә килгән ҡунаҡ бинаның торошона иҫе киткән. Палатаның иҙәне күптән буялмаған, йыуыныу бүлмәһендә лә буяуҙар аҡтарылып тора. "Ниңә әле һаман бындай дауаханаларҙа кеше дауалайҙар икән?" – тип аптырап яҙа ул социаль селтәрҙә.
Шул уҡ ваҡытта уның был хәбәренә Елена тигән ҡатын: "Бөтә ерҙә лә таҙа булғанына бер кем дә иғтибар итмәнеме? Ошондай дауаханаларҙа эшләгән һәм халыҡты дауалағандар алдында баш эйәбеҙ!" – тип яуаплай.
Әлбиттә, насар тороштағы дауаханалар республикабыҙҙың башҡа ауылдарында ғына түгел, хатта ҡалаларында ла бар. Республика Башлығы Радий Хәбиров халыҡҡа медицина ярҙамы күрһәтеү шарттарын яҡшыртыу, дауаханалар төҙөүгә айырыуса иғтибар бирә. Шуға ла яҡшы үҙгәрештәр алдағы көндәрҙә Иҫке Ҡалмаш ауылындағы дауахананы ла урап үтмәҫ, тип ышанғы килә.
Башҡортостан гәзите.
