Бөйөклөк сере

– Башҡортостан Респуб­ликаһы бөгөн төрлө милләт һәм конфессия вәкилдәренең дуҫ һәм татыу йәшәүенең үҙенсә­лекле өлгөһө булып тора, – тине ул. – Башҡортостанда йәшәгән дүрт миллион кешенең 67 проценты – мосолман. Шул иҫәптән 36 проценты – рустар, 30 процент самаһы – башҡорттар һәм 24 проценты – татарҙар. Бынан тыш, 100 меңдән ашыу самаһы башҡа этнос кешеләре йәшәй беҙҙә.

Республика Башлығы белде­реүенсә, республикала милләт­тәр һәм конфессиялар бер-береһе менән шул тиклем тығыҙ бәйләнгән, шуға күрә мосолмандар – Пасха менән Раштыуаны, ә православныйҙар Ҡорбан байрамы менән Ура­ҙаны бергә билдәләй. Рес­публикалағы һәр өсөнсө никах ҡатнаш, һәм бындай күр­һәткесте башҡа төбәк­тәрҙә табыуы ауыр. Заманса Рәсәй исламы үҙәге Өфөлә урынлашҡан, боронғо һәм бик билдәле “Ғәлиә” һәм “Усманиә” мәҙ­рәсәләре бар. Беҙҙең Рәсәй Ислам университеты ислам университеттары федерацияһына ҡарай. Башҡортостанда дингә өндәүселәр менән проблема юҡ, бында мосолман-сөнниҙәр йәшәй, һәм республиканың бер генә мәсетендә лә ваһһабиттар юҡ.

– Ошондай ҡыҫҡа ғына тезистар һәм дәлилдәр менән мәҙәниәттең, диндең, милләт­тәр­ҙең бер-береһе менән тәрән бәйләнешен күрһәтергә тырыштым. Беҙ үҙебеҙҙең иң мөһим байлығыбыҙҙы ошонда күрәбеҙ, – тине Радий Хәбиров. – Эйе, беҙҙең байлығыбыҙ йыл һайын 18 миллион тонна нефть табыуҙа йәки нефть эшкәртеүсе завод­тарыбыҙ эшмәкәрлегендә түгел, ә тап ошо ҡиммәттәрҙә. Һәм беҙ быны үҙебеҙҙең өҫтөнлөгөбөҙ тип иҫәпләйбеҙ, уның менән уртаҡлашырға әҙербеҙ.

Үҙенең сығышы аҙағында Радий Хәбиров клуб ағзала­рының сираттағы ултырышын беҙҙең республикала үткәрергә са­ҡырҙы.