+22 °С
Ямғыр
Новости
3 Октябрь 2019, 15:34
Әсәйгә... бысаҡ менән
Ғаилә низағы саҡ үлемгә килтермәй. Әсә кеше менән уның 27 йәшлек ҡыҙы араһында талаш сыға. Күрәһең, һүҙ менән еңә алмағас, ҡыҙы бысаҡҡа йәбешә һәм ҡәҙерлеһенең эсенә сәнсә.
Башҡортостан буйынса Эске эштәр министрлығынан хәбәр итеүҙәренсә, әле был осраҡ буйынса енәйәт эшен тикшерә башлағандар.
Хәл Стәрлетамаҡ ҡалаһында була. Асыҡланыуынса, ҡыҙы әсәһе һәм үҙенең бәләкәй улы менән бер фатирҙа торалар. Тауыш бергәләшеп араҡы эсеп ултырғанда сыға.
Йәрәхәтләнгән ҡатынды табиптар ҡотҡарып ҡалһа ла, уның һаулығына ауыр зыян килтерелгән.
